څانګه صدیقي، د هالنډ د ډیموکرات D66 ګوند د رهبرۍ شورا سیاسي غړیتوب د زوترمیر په ښار کې ترلاسه کړی دی.
اغلې صدیقي په خپله فېسبوک پاڼه لیکلي چې د سیاست او ډیموکراسۍ په برخه کې د ښځو د فعال رول د پیاوړتیا لپاره ژمنه ده.
په وروستیو کلونو کې، ګڼ شمېر افغان وګړي چې په لوېدیځو هېوادونو کې مېشت دي، په ځانګړې توګه ښځې، توانېدلي چې د دغو هېوادونو سیاسي جوړښتونو ته لاره ومومي.
تر دې وړاندې، هوسي اندړ چې په جرمني کې مېشته افغانه ده، د دې هېواد د فرانکفورت ښار د ښاروالۍ شورا غړیتوب ترلاسه کړی و.
