د جمهوري نظام د اطلاعاتو او کلتور وزارت پخوانی مرستیال هارون حکيمي وایي چې هېڅ باوجدانه انسان، حتی باوجدانه پاکستانی هم نه شي کولای پر افغانستان د پاکستان وروستي بریدونه توجیه کړي.
نوموړي په عین حال کې ټینګار کړی چې د نجونو پر زده کړو او د ښځو پر حقونو اوسني بندیزونه افغانستان ته تر بهرنیو بریدونو هم زیات زیان رسوي.
حکیمي ویلي چې د نوي ښوونیز کال له پیل سره باید د نجونو او مېرمنو پر مخ د ښوونځیو او پوهنتونونو دروازې پرانستل شي او د هغوی حقونو ته درناوی وشي.
