د طالبانو حکومت تر واک لاندې د افغانستان بانک سرپرست نور احمد اغا د ازبېکستان بانک له رییس تیمور اشمتوف سره کتلي، چې د بانکي لېږدونو پر اسانتیاو، وړتیا لوړولو، د دواړو هېوادونو د ملي اسعارو پر کارولو او د ادینو د سیسټمونو پر نښلولو او پراختیا یې خبرې کړي دي.
نور احمد اغا په دې لیدنه کې ویلي، چې د بانکي خدماتو پراختیا کولای شي، چې د دواړو هېوادنو ترمنځ سوداګریزې اړیکې هم پراخې کړي.
دا لیدنه داسې مهال کېږي، چې د طالبانو حکومت اقتصادي مرستیال ملا عبدالغني برادر هم د یو لوړ پوړي پلاوي په مشرۍ دغه هېواد ته سفر کړی.
