په نایجریا کې د سختو بارانونو او ناڅاپي سېلابونو له امله تر اوسه لږ تر لږه ۱۵۰ کسان وژل شوي او لسګونه نور ټپیان شوي دي.
د دغه هېواد د بحران مدیریت ادارې ویلي، د وژل شویو شمېر ښايي لا هم لوړ شي.
راپورونه وايي چې تر ۳۰۰۰ زیات کسان بېکوره شوي، ۲۶۵ کورونه نړېدلي او دوه پلونه له منځه تللي دي.
چارواکي وايي، ګڼ شمېر خلک لا هم ورک دي او ژغورونکې ډلې د درنو ماشینونو په مرسته د لټون عملیاتو ته دوام ورکوي.
د سره صلیب مشر ویلي چې لږ تر لږه ۷۸ ټپیان روغتون ته انتقال شوي، او په یوه دیني مدرسه کې له ۵۰ ډېر زدهکوونکي تر اوسه نادرکه دي.
