د میانمار نظامي حکومت اعلان کړی چې د زلزلې له امله د مړو شمېر له زرو کسانو پورته شوی دی.
د میانمار د چارواکو په وینا، د ټپیانو شمېر ۲ زره او ۳۷۶ ته رسېدلی او لږ تر لږه ۳۰ کسان لا هم ورک دي.
د امریکا د جیولوجیکي سروې د زلزلې وړاندوینې ماډل اټکل کړی چې په میانمار کې د مړو شمېر ښايي له ۱۰ زرو پورته شي او اقتصادي زیانونه د دې هېواد د کلني تولید له کچې زیات شي.
د میانمار د نظامي حکومت مشر، جنرال مین آونګ هلائینګ، له نړیوالو څخه د بشردوستانه مرستو غوښتنه کړې ده.
