په پاکستان کې د طالبانو حکومت پخواني سفیر مولوي عبدالسلام ضعیف د امریکا د ولسمشر ډونالډ ټرمپ له لوري د ایران له ولس سره د څرګندې شوې خواخوږۍ په اړه سخت غبرګون ښودلی دی.
مولوي عبدالسلام ضعیف ویلي، چې د ټرمپ خواخوږي نه له مسلمانانو سره ده او نه هم له ایراني ولس سره، بلکې د هغه اصلي موخه د ایران تېل او د صهیونستانو حاکمیت دی.
نوموړي زیاته کړې، چې ټرمپ اوس د بشري خواخوږۍ خبرې کوي، حال دا چې د ده د ملاتړ له امله په تېرو دوو کلونو کې په فلسطین کې شاوخوا ۶۷ زره ښځې او ماشومان د بمبارۍ له امله ټوټې ټوټې شوي او دا ظلم لا هم روان دی.
