د ملګرو ملتونو د امنیت شورا غونډه کې د چین او پاکستان استازو د اسرائیلو له لوري پر ایران برید وغنده او د ژر تر ژره اوربند غوښتنه یې کړې.
د پاکستان استازي ویلي چې دا بریدونه ټولې نړۍ ته ګواښ دي او ټینګار یې کړی چې د سولې لپاره باید یو بل چانس ورکړل شي.
د نړیوالې اټومي انرژۍ ادارې مشر ویلي چې په برید کې کوم جدي اټومي تشعشات نه دي ثبت شوي، خو زیاته کړې چې اټومي تأسیسات باید هېڅکله هدف ونه ګرځي.
