د طالبانو حکومت د رییس الوزرا اقتصادي مرستیال ملا عبدالغني برادر وایي، چې بهر مېشتي افغانان دې هېواد ته راوګرځي.
هغه د هېواد د خپلواکۍ د ۱۰۶مې کلیزې په مناسبت غونډه کې ویلي، چې تاسو ته به معلومه شوې وي چې نورو هېوادونو کې د امکاناتو سره بیا هم د مالکیت او سکون احساس نشته.
نوموړي زیاته کړې چې «اسلامي امارت» ستاسې خپل نظام دی او موږ درته ښه راغلاست وایو.
ملا برادر پر هېوادونو هم غږ کړی چې د لاسوهنې پر ځای دې له «اسلامي امارت» سره د تعامل لار غوره کړي.
