د افغانستان د ملي امنیت پخواني رییس محمد معصوم ستانکزي ویلي چې که د افغانستان پوځ د پردیو په اشاره دوه ځله په بشپړه توګه نه وای ړنګ شوی او ملي او جهادي ځواکونه په یوه واحد چتر کې سره یوځای شوي وای، نن به افغانستان په سیمه کې تر ټولو پیاوړی پوځ درلود.
د هغه په وینا، په داسې حالت کې به هېڅ هېواد د افغانستان پر وړاندې په بد نظر نه کتلای او د تېري جرئت به یې نه شو کولی.
معصوم ستانکزي زیاته کړې چې اوس هم اړتیا ده دا ستره پانګه وساتل شي.
