په متحده عربی اماراتو کې د طالبانو حکومت سفیر بدرالدین حقاني د خلیفه بن زاید آل نهیان خیریه مؤسسې له رئیس سره لیدلي دي.
په دې لیدنه کې د افغانستان عمومي وضعیت ترڅنګ له ایران او پاکستان څخه را اېستل شویو کډوالو د ستونزو په اړه خبرې شوې دي.
طالب سفیر د تازه راستنو شوو کډوالو د اړتیاوو او روغتیایي ستونزو د حل برخه کې د مرستې غوښتنه کړې.
ورته مهال بیا د دغې موسسې رییس له کډوالو سره د مرستو ډاډ ورکړی.
