ملګرو ملتونو کې د امریکا سفیر مایک والتز د ایران د روانې جګړې په ترڅ کې د بګرام هوايي اډې اهمیت ته اشاره کړې ده.
والتز په اېکس کې د یوه پوسټ په غبرګون کې دا څرګندونې کړې دي.
په هغه پوسټ کې ادعا شوې وه چې د ایران ځینې چارواکي د امریکا له پوځي اډو د واټن ساتلو لپاره د مشهد ښار ته تللي دي.
نوموړي په خپل غبرګون کې لیکلي: «کاش موږ لا هم د بګرام هوايي اډه لرلای.»
د یادونې وړ ده، چې مشهد د ایران له هغو لویو ښارونو څخه دی چې د افغانستان پولې ته تر ټولو نږدې موقعیت لري.
