د جرمني د بایرن ایالت مشر مارکوس زودر ویلي، چې هېواد یې د مهاجرت په تګلارو کې بدلون راولي تر څو د ناقانونه کډوالو د ورتګ مخه ونیسي.
نوموړي ویلي، د نوې تګلارې له مخې به مجرم کډوال بېرته افغانستان او سوریې ته واستول شي، د کورنیو د یو ځای کېدو بهیر به وځنډېږي او د تابعیت قانون به هم بدلون ومومي.
زودر همداراز زیاته کړې، چې جرمني به د پناه غوښتونکو د منلو بهیر هم محدود کړي.
هغه دغه بدلونونه د جرمني لپاره حیاتي بللي دي.
