د طالبانو حکومت د بهرنیو چارو سرپرست وزیر امیرخان متقي د روسیې د بهرنیو چارو له وزیر سرګي لاوروف سره ټلیفوني خبرې کړې دي.
دواړو لوریو له رسمیت پېژندنې وروسته د سیاسي، اقتصادي او سیمهییزو همکاریو پر پراخېدو بحث کړی دی.
متقي د روسیې له دې پرېکړې مننه وکړه او دا یې له نړۍ سره د بېرته نښلېدو لپاره مهم ګام وباله.
لاوروف وویل، رسمیت پېژندنه به نوې همکارۍ رامنځته کړي، او متقي ته یې د مسکو فارمټ غونډې د ګډون رسمي بلنه ورکړه.
