قطر د یمن کړکېچ په منځ کې د سعودي عربستان او متحده عربي اماراتو د وروستیو څرګندونو هرکلی کړی او ویلي یې دي چې دا اقدامات د سیمې ګټو ته لومړیتوب ورکوي.
دوحې د یمن د یووالي او ځمکنۍ بشپړتیا پر ساتنه هم ټینګار کړی دی.
دا غبرګون وروسته له هغې څرګند شو چې متحده عربي اماراتو د سعودي عربستان په غوښتنه اعلان وکړ چې خپل پاتې ځواکونه له یمن وباسي
د یادونې ده چې له دې مخکې د سعودي په مشرۍ ټلوالې د یمن په سوېل کې د مکلا بندر شاوخوا هوايي بریدونه کړي وو.
