د طالبانو حکومت د کورنیو چارو وزارت د هغه حکم پر پلي کېدو د څار لپاره یوه کمېټه جوړه کړې، چې له مخې یې باید په ټول هېواد کې د ژورو څاهګانو سرونه پټ شي.
د یاد وزارت ویاند عبدالمتین قانع پر خپله ایکسپاڼه لیکلي، چې دا کمېټه به ټولو ولایتونو ته سفرونه وکړي او له سرغړونکو سره به قانوني چلند وکړي.
د یادونې ده چې نن ورځ هم غزني کې ژورې څاه ته یو ماشوم لوېدلی وو، چې د ژغورولو پر مهال یې د ژغورنکې ډلې څلور نور کسان مړه شوي دي.
