د حماس اړوند رسنیو راپور ورکړی، چې د دې ډلې ویاند عبداللطیف القنوع نن سهار د اسرائیل په هوایي برید کې د غزې په شمال کې ووژل شو.
د حماس الاقصی ټلویزیون ویلي، القنوع هغه مهال ووژل شو، کله چې د جبالیه په سیمه کې پر خیمهیې هوایي برید وشو.
د رویټرز د راپور له مخې، د فلسطین روغتیایي سرچینې وایي، چې په دې برید کې یو شمېر نور کسان هم ټپیان شوي دي.
د یادونې ده چې دا په روانه اونۍ کې دریم لوړپوړی غړی دی چې د اسرائیلي بریدونو قرباني کېږي.
بلخوا، په جلا جلا اسرائیلي هوایي بریدونو کې لږ تر لږه شپږ کسان په غزه ښار او یو تن په خانیونس کې وژل شوي دي.
