په ایران کې د افغانستان پخواني سفیر عبدالغفور لېوال ویلي چې له ملي بیرغ او ملي ارزښتونو سره دوه ډلې دوښمني کوي، چې یوه یې په جهل و ناپوهۍ ککړه او بله یې تعصب لیونۍ کړې ده.
لېوال په خپل ایکس کې لیکلي، چې دواړه ډلې نه یوازې له ملي ارزښتونو سره دښمني لري، بلکې د پیشو او موږک په څېر په دوامدار ټکر کې هم ښکېلې دي.
هغه زیاتوي: «جهل ړندې کړې ډلې، د تعصب لېونۍ کړې ډله پسې واخیسته او د باد بڼکه یې کړه.»
نوموړي دغه راز ویلي، چې افغان ملت اوس راویښ شوی او دوی به ډېر ژر په جهل اخته ډله هم پسې واخلي.
