د خیبر پښتونخوا اعلی وزیر علي امین ګنډاپور د پاکستان له حکومت سره په مشوره له طالبانو سره د خبرو لپاره یو پلاوی کابل ته لېږي
دغه پاکستاني چارواکي جیونیوز ته ویلي، چې ډېر ژر به د جرګې یو پلاوی له طالبانو سره د خبرو لپاره کابل ته ولېږي.
د راپورونو له مخې په دغه پلاوي کې د بېلابېلو قومونو استازي هم شامل دي.
نوموړي ویلي، چې طالبانو له افغانستان څخه د ترهګرو د حملو د مخنیوي لپاره پرېکنده اقدام نه دی کړی.
د یادونې ده، چې تر دې مخکې، د پاکستان د ايالتونو، سرحدي سيمو، کشمير او ګلګت-بلتستان چارو وزير، امير مقام ويلي و، له افغانستان سره مذاکرات د ايالتي حکومتونو له واکه پورته دي او يوازې فدرالي حکومت د دغې پرېکړې صلاحیت لري.
