د خېبر پښتونخوا اعلی وزیر علي امین ګنډاپور د پاکستان حکومت ته وړاندیز کړی، چې دغه هېواد دې افغان کډوالو ته د دایمي استوګنې زمینه برابره کړي.
پاکستانۍ رسنۍ وایي، چې دغه طرحه په پاکستان کې له بېلابېلو غبرګونونو سره مخ شوې ده.
دا څرګندونې په داسې حال کې کېږي چې خېبر پښتونخوا له پراخو ننګونو، د امنیتي ستونزو او د روغتیايي او تعلیمي بنسټونو له کمزورۍ سره مخ ده.
د یادونې ده چې اوس مهال شاوخوا ۲.۱ میلیون افغان کډوال پاکستان کې اوسیږي چې ۵۲ سلنه یې خېبر پښتونخوا کې استوګن دي.
