د طالبانو حکومت د ارشاد، حج او اوقافو وزارت مرستیال عزیزالرحمن منصور د ایران ملي سرود ته د نه درېدو له کبله د ایران له خلکو بښنه غوښتي.
نوموړی د اسلامي یووالي کنفرانس کې د ایران ملي سرود پر مهال پر خپل ځای ناست وو.
منصور ویلي، ایران یې ورور، ګاونډی او کلتوري شریک دی؛ خو په دوی (طالبان) کې دا کلتور دی، چې دا ډول ترانو ته نه دریږي.
د هغه په خبره دا یو قصدي عمل نه وو، خو د هغه کلتور دوام وو، چې افغانستان کې یې دوی په خپل منځي غونډو کې لري.
نوموړي ویلي، د ایران خلک د ده پر دغې کړنې خواشیني شوي، چې اوس یې دوی له امله بښنه غواړي.
