د پخواني حکومت د مصالحې شورا مشر ډاکټر عبدالله عبدالله د نوي تعلیمي کال او نوروز د پیل په درشل کې ویلي چې هیله لري په راتلونکي کال کې د هیواد د ښځو او نارینه وو “انساني او اسلامي حقوق” تامین شي.
هغه په خپله ایکسپاڼه لیکلي چې تمه لري د افغانستان د خلکو د ژوند د ښه والي لپاره شرایط برابر شي.
دا په داسې حال کې ده چې دوه ورځې وروسته نوی تعلیمي کال پیلېږي؛ خو د طالبانو حکومت د څلورم پرلهپسې کال لپاره د شپږم ټولګي څخه پورته د نجونو د ښوونځیو او پوهنتونونو دروازې تړلې ساتلې دي.
