د مصالحې شورا پخواني مشر ډاکټر عبدالله عبدالله د پاکستان له لوري د افغانستان د هوايي حریم نقض او په خوست، پکتیکا او کونړ ولایتونو کې هوايي بریدونه په کلکو ټکو غندلي دي.
عبدالله ویلي، په دغو بریدونو کې ملکي وګړي په نښه شوي چې دا ډول پوځي تحرکات نه د منلو وړ دي او نه هم د ستونزو د حل لاره ګڼل کېدای شي.
نوموړي ټینګار کړی چې د ثبات د ټینګېدو یوازینۍ اساسي لاره د خبرو اترو له لارې د اختلافاتو حل دی او باید د جګړې پر ځای د ډیالوګ او تفاهم لاره لومړیتوب ومومي.
