د طالبانو حکومت د رییسالوزرا اداري مرستیال، مولوي عبدالسلام حنفي، د چین – سویلي اسیا نهم نړیوال نندارتون ته په وینا کې ویلي چې “اسلامي امارت” له چین او د سیمې له نورو هېوادونو سره د کانونو، انرژۍ، ټرانزیټ، ټکنالوژۍ او سوداګرۍ په برخو کې د همکارۍ اراده لري.
هغه ټینګار کړی چې افغان خاوره به د هیڅ هېواد پر ضد نه کارېږي، او “اسلامي امارت” نه یوازې له نورو هېوادونو سره د نه لاسوهنې سیاست لري، بلکې له هغوی هم ورته تمه لري.
حنفي دغه نندارتون د سیمهییزو هېوادونو ترمنځ د اقتصادي، سیاسي او فرهنګي اړیکو د پیاوړتیا یو ښه فرصت بللی دی.
