د ایران د بهرنیو چارو وزیر سید عباس عراقچي د سردشت پر ښار د کیمیاوي برید کلیزې په مناسبت یوه اعلامیه خپره کړې او ویلي یې دي، چې ایران د کیمیاوي وسلو د منع سازمان له اجراییوي شورا څخه د بېړنۍ ناستې غوښتنه کړې، تر څو د ایران پر بنسټیزو تأسیساتو، په ځانګړي ډول کیمیاوي صنعتي مرکزونو، شوي بریدونه وڅېړي او وغندي.
په اعلامیه کې ویل شوي، ایران د معاصر تاریخ تر ټولو ستر کیمیاوي قرباني، وژونکو د ډلهییزو وسلو پر ضد جدي ملاتړی او د وسلو څخه پاکې منځني ختیځ مفکورې بنسټګر دی او تل د دغو وسلو پر ضد مبارزه کې مخکښ پاتې شوی دی.
دا په داسې حال کې ده، چې امریکا د ایران پر یو شمېر اتومي تاسیساتو بریدونه وکړل، چې ایران یې له نړیوال قانون سرغړونه بولي.
