د ایران د بهرنیو چارو وزیر عباس عراقچي ویلي، اسراییل تل هڅه کړې چې امریکا د خپلو جګړو لپاره ښکېله کړي؛ خو دا ځل یې په ښکاره ډول دا موضوع څرګنده کړې ده.
عراقچي ویلي، په داسې حال کې چې د ایران په ښارونو کې وینه تویېږي، اسراییلي لوري په ښکاره ډول ادعا کړې چې معترضان یې په ژوندیو وسلو سمبال کړي او دا یې د سلګونه کسانو د وژل کېدو اصلي لامل بللی دی.
د ایران د بهرنیو چارو وزیر زیاته کړې چې د دغو څرګندونو له مخې، د امریکا ولسمشر ډونالډ ټرمپ باید ښه پوه شي چې د وژنو د درولو لپاره اصلي سرچینه او لوری کوم دی.
