د ننګرهار پخواني والي ضیاءالحق امرخېل ایکس پاڼې کې لیکلي، د پاکستاني چارواکو هغه څرګندونې بابیزې ګڼلې چې په کابل کې د نظام د بدلون خبرې کوي.
ښاغلي امرخیل ویلي، د پاکستان حکومتي چارواکو تر خبریالانو پورې، ټول د طالبانو د نظام د بدلون بحثونه کوي، خو پاکستان فکر کوي چې دا د افغانستان په چارو کې لاسوهنه نه ده.
ضیاءالحق امرخیل په سختو ټکو د پاکستان دا ډول دوه مخې چلند غندلی او ویلي کله چې بحث تحریک طالبان پاکستان ته رسېږي، هغه ډلې ته چې د ده په وینا د پاکستان د پوځ د ظلم، بې عدالتۍ او د پښتنو د بیا بیا محرومیتونو په نتیجه کې زېږېدلې، نو بیا ناڅاپه ادعا کېږي چې افغانستان په پاکستان کې لاسوهنه کوي.
امرخېل لیکلي:« دا منطق پاکستان کلونه کارولای او تل یې هڅه کړې چې په افغانستان کې نظامونه بې ثباته او بدل کړي، خو اوس دغه مداخلې پای ته رسېدلې یوازې خپل ځان ستړی کوي.»
