د افغانستان د وروستي جمهوري نظام د کورنیو چارو مرستیال وزیر صدیق صدیقي ویلي، چې د زلمي خلیلزاد مېرمن باید له افغان ښځو بښنه وغواړي.
نوموړي ویلي، شرل بنارد باید د افغانستان په چارو کې لاسوهنه ونه کړي.
د خلیلزاد مېرمن ویلي وو، چې افغانستان ته د تګ پر مهال یې ولیدل چې طالبانو ښځو ته د کار اجازه ورکړې او هغوی په کوڅو کې لاس ګاډۍ چلولې.
نوموړې دا هم ویلي، چې له افغانستان څخه وتلي کډوال باید له طالبانو ونه ډار شي او بېرته افغانستان ته لاړ شي.
