د افغانستان لپاره د پاکستان ځانګړی استازی محمد صادق وايي، د پاکستان د کورنیو چارو وزیر محسن نقوي او د طالبانو حکومت د کورنیو چارو وزیر سراجالدین حقاني د ترهګرۍ پر ضد د مبارزې په برخه کې هوکړه کړې ده.
محمد صادق په خپله ټویټر پاڼه کې ویلي چې دواړو غاړو د ترهګرۍ په اړه مفصلې خبرې کړې دي او د ګډې همکارۍ لپاره یې ژمنه کړې ده.
د طالبانو حکومت د کورنیو چارو وزارت هم ویلي چې دواړو خواوو د نشه یي توکو پر ضد مبارزې او امنیت د ټینګښت په اړه خبرې کړي دي.
د یادونې ده، چې دواړو لوریو تېره ورځ ناوخته دا لیدنه ترسره کړې وه.
