د جمهوري حکومت د ملي دفاع وزارت سرپرست شاه محمود میاخېل د طالبانو له لوري د امیر عليشېر نوایي د څلي د بیارغونې هرکلی کړی او ویلي یې دي چې «تاریخي ارزښتونه باید وساتل شي».
د طالبانو حکومت تېره اوونۍ په مزارشریف کې د نوموړي څلی ونړاوه؛ خو د غبرګونونو وروسته یې د ۱،۵ میلیونه افغانیو په لګښت د بیارغونې چارې پیل کړې دي.
میاخېل د طالبانو له حکومت غوښتي چې د غازي امان الله خان او پاچا خان نور یادګارونه او تابلوګانې هم ورغوي.
بل لورته ازبکستان د یاد څلي د نړولو په تړاو د طالبانو له حکومت رسمي وضاحت غوښتی و، او د طالبانو حکومت ډاډ ورکړی چې د نوايي نوې مجسمه به جوړه کړي.
