د ایران سپاه پاسداران (IRGC) ویلي، چې دوی وروستی سخت توغندیز برید کړی چې د اسراییلو سره د اوربند سبب شو.
دوی دا برید دومره شدید بللی، چې په خبره یې، د دښمن د اوربند چیغې یې راووتلې.
سپاه زیاته کړې، چې د امریکا پوځ ونشو کولی وضعیت ته بدلون ورکړي او په قطر کې د العُدید اډې باندې د ایران غچ اخیستونکی برید یې د ایران ځواک ښودنه بللې.
په اعلامیه کې ویل شوي، چې دوی به په آرام پاتې نشي او ژمنه یې کړې چې له سیمې د امریکا اېستل به تل تعقیبوي.
