د سيانان د راپور له مخې، د امریکا ولسمشر ډونالډ ټرمپ د ایران پر وړاندې د پوځي اقداماتو په اړه غور کوي.
دا پرېکړه د واشنګټن او تهران ترمنځ د ایران د اټومي پروګرام او بالستیک توغندیو د تولید د مخنیوي لپاره د لومړنیو خبرو اترو د ناکامۍ وروسته شوې ده.
ټرمپ خبرداری ورکړی چې که امریکا پرېکړه وکړي، نو پر ایران به راتلونکی برید ډېر سخت او پراخ وي.
د راپور له مخې، په دې بحث کې د امریکا د ملي امنیت لوړ پوړي چارواکي هم شامل دي، چې د احتمالي پوځي عملیاتو په پلان جوړونه کار کوي.
د دې تر څنګ، د ایران چارواکو هم د هر ډول بهرني پوځي فشار پر وړاندې د دفاع د چمتوالي خبرداری ورکړی دی او ویلي یې دي، چې که برید وشي، تهران به سخت ځواب ورکړي.
