قطر کې د طالبانو حکومت سفیر سهیل شاهین ویلي چې د.«اسلامي امارت» اساسي پالیسي دا ده چې د افغانستان خاوره به د هېڅ هېواد پر ضد نه کارول کېږي.
نوموړي ټینګار کړی چې دا ژمنه د دوحې تړون برخه هم ده او «اسلامي امارت» ورته ژمن پاتې دی.
شاهین زیاته کړې چې لکه څنګه چې افغانستان اجازه نه ورکوي د بل چا پر ضد یې خاوره وکارول شي، همداسې تمه لري چې نور هېوادونه هم اجازه ورنکړي چې د هغوی خاوره د افغانستان پر ضد وکارول شي.
