د سعودي عربستان د بهرنیو چارو وزارت د اسراییلو له لوري د غزې په جنوبي برخه کې د دغه هېواد پر یوه طبي مرکز د هوايي برید غندنه کړې.
یاد وزارت ویلي، چې په دغه برید کې د سعودي د مرستندویه مرکز ګودام، چې طبي تجهیزات یې ساتل، بشپړ ویجاړ شوی دی.
ریاض د ملګرو ملتونو د امنیت شورا له غړو غوښتي، چې د فلسطیني ولس د کړاوونو د پای ته رسېدو لپاره عملي ګامونه واخلي.
دغه وزارت ویلي، د اسراییلو له لوري د ملکي وګړو، پناهځایونو او ښوونځیو په نښه کول د نړیوالو قوانینو ښکاره نقض دی.
په ورته مهال د غزې د روغتیا وزارت ویلي، چې د مارچ له ۱۸مې راهیسې په اسراییلي بریدونو کې تر اوسه ۱۲۵۰ کسان وژل شوي او له ۳۰۰۰ زیات نور ټپیان دي.
