د شوال میاشتې په وروستۍ اونۍ کې به سعودې ته د حاجیانو ورتګ پیل شي.
د سعودي د الحرمین پاڼۍ د خبر له مخې حاجیان د دې میاشتې په وروستۍ اونۍ کې د حج د مراسمو د ترسره کیدو په موخه بیت الله شریف ته راځي.
په پام کې ده چې له افغانستان څخه د حج مراسمو کې د ګډون لپاره شاوخوا ۳۰ زره حاجیان سعودي عربستان ته لاړ شي.
بل لورته ډېری افغانان د طالبانو په حکومت نېوکه کوي چې د حج فریضې د ادا کولو لپاره طالبانو خپل خپلوان او پېژندګلوي خلک انتخاب کړي دي.
په ټولنیزو رسنیو کې خلک شکایت کوي چې له مودو راهیسې حج ته د تللو هڅه کوي؛ خو د طالبانو حکومت له لوري تاییدي نه ورکول کېږي.
