د طالبانو حکومت د کورنیو چارو وزیر سراج الدین حقاني د جاپان له سفیر تاکایوشي کرومایا سره لیدنه کې ویلي، چې د جاپان او افغانستان ترمنځ اړیکې پخوانۍ دي او د دواړو هېوادونو ترمنځ ښه تعامل شته.
دا لیدنه د تاکایوشي کرومایا د مخه ښې په مناسبت ترسره شوې.
د طالبانو حکومت له کورنیو چارو وزارت څخه خپره شوې خبرپاڼه کې د تاکایوشي کرومایا په حواله راغلي چې جاپان به د ملګرو ملتونو له لارې د بدیل معیشت، د نشه یي توکو پر وړاندې مبارزه او روږدو د درملنې په برخو کې خپلو مرستو ته دوام ورکړي.
