د نیویارک ښار نوی ښاروال، زهران ممداني، د امریکا له خوا د وینزویلا ولسمشر نیکولاس مادورو او د هغه د مېرمنې د نیولو اقدام د قانون خلاف او د جګړې عمل بللی.
ښاروال ممداني دا اقدام د یو اړخیزې پوځي مداخلې او د نړیوال او فدرالي قانون خلاف ګام بللی.
ممداني په خپله ایکسپاڼه لیکلي، چې دغه یواړخیزه پوځي مداخله نه یوازې د وینزویلا خلک، بلکې نیویارک کې مېشت زرګونه وینزویلایان هم اغېزمنوي.
ممداني زیاته کړې:«زما لومړیتوب د نیویارک د ټولو اوسېدونکو، په ځانګړې توګه د وینزویلایانو، خوندیتوب دی. زموږ اداره به وضعیت له نږدې څاري او اړوند لارښوونې به خلکو ته وړاندې کوي.»
