د افغان سولې لپاره د امریکا پخواني ځانګړي استازي زلمي خلیلزاد په خپله اېکس پاڼه لیکلي چې په کابل کې د سوداګرۍ او صنایعو خونې له لوري د نندارتون جوړول د ستاینې وړ اقتصادي هڅه ده.
خلیلزاد ویلي، افغانستان دا مهال له جدي اقتصادي ننګونو سره مخ دی، او دا ستونزې له هغه وروسته لا سختې شوې چې ایران او پاکستان نږدې دوه میلیونه افغان کډوال له خپلو کورونو وشړل او بېرته ستنېدو ته یې مجبور کړل.
هغه ټینګار کړی چې د دغه ډول نندارتونونو او اقتصادي فعالیتونو دوام کولی شي د هیواد د خراب اقتصادي وضعیت په نرمولو کې مهم رول ولوبوي.
