د رویټرز خبري اژانس د راپور له مخې، اسراييلي پوځ ویلي چې غزې ته تر دې دمه ۱۰۷ مرستندویه لارۍ داخل شوي دي.
د اسراييلي پوځ په وینا، یادو لاریو کې اوړه، خوراکي توکي، طبي وسایل او درمل شامل دي.
دا مرسته په داسې حال کې شوې چې غزه کې ګڼ شمېر خلک د لوږې له ناورین سره مخ دي.
د بشري مرستو کارکوونکي وایي، که څه هم دغه مرستې یو ښه ګام بلل کېږي، خو د محاصره شوې غزې د اوسېدونکو اړتیاوې خورا زیاتې دي او دا مرستې یې نه پوره کوي.
