رویټرز راپور ورکړی چې د امریکا د ولسمشر ډونالډ ټرمپ د حکومت لهخوا د زرګونو بهرنیو محصلینو د ویزو لغوه کولو بهیر پیل شوی دی.
د راپور له مخې، ګڼ شمېر بهرني محصلین د نیول کېدو او له هېواده ایستل کېدو د مخنیوي لپاره محاکمو ته مراجعه کوي.
د امریکا د مهاجرت وکیلانو اتحادیه وایي، له هغه وخت راهیسې چې ټرمپ د جنورۍ په ۲۰مه بیا واک ته رسېدلی، تر اوسه له ۴۷۰۰ زیات بهرني محصلین د ګمرک او مهاجرت ادارې له ثبت څخه ایستل شوي دي.
د یادونې ده چې د ټرمپ د حکومت دغه پرېکړه د بشر حقونو فعالانو او قانوني بنسټونو لهخوا له سختو نیوکو سره مخ شوې ده.
