رویټرز اژانس د طبي کارکوونکو یوې امنیتي سرچینې له قوله ویلي، چې د حزب الله د مشر حسن نصرالله مړی د بیروت په جنوبي څنډه کې د اسرائیلو د هوايي برید له ځای څخه موندل شوی.
د طبي کارکوونکو یادې ډلې رویټرز ته ویلي، چې د حسن نصرالله په جسد ټپونه نشته.
که څه هم حزب الله د شنبې په ورځ د نصرالله مړینه تایید کړه؛ خو د هغه د جنازې په اړه یې څه ونه ویل او دا یې هم روښانه نه کړه چې هغه څنګه وژل شوی دی.
یادې ډلې رویټرز ته ویلي، چې کیدای شي د حسن نصرالله د مرګ لامل د درنو چاودنو غږ او فشار وي.
