د روسیې سناتور الکسي پوشکوف ویلي، چې د امریکا ولسمشر ډونالډ ټرمپ هڅه کوي اوکراین کې روانه جګړه ژر پای ته ورسوي، ځکه د افغانستان د جګړې تجربې پر هغه ژور اغېز کړی دی.
نوموړي په خپل ټیلیګرام چینل لیکلي، چې له افغانستانه د امریکايي ځواکونو شرموونکي وتل د ټرمپ پر لیدلوري تاثیر کړی او نه غواړي امریکا د اوکراین په جګړه کې ښکېله پاتې شي.
ټرمپ مخکې هم ویلي، چې که هغه ولسمشر وای، د اوکراین جګړه به نه پیلېدله.
