د ایران د ازادو سوداګریزو زونونو د عالي شورا منشي رضا مسرور ویلي، ایران د افغان پانګوالو ملاتړ کوي او کولای شي د دغه هیواد په ازادو سوداګریزو سیمو کې د اوسېدو اقامت ترلاسه کړي.
ایراني رسنیو د ښاغلي رضا له قوله ویلي، چې د روان کال په لومړیو لسو میاشتو کې ۱۲۵ میلیونه یورو بهرنۍ پانګونه د ازادې سوداګرۍ زونونو ته او ۱۳۱ میلیونه یورو ځانګړې اقتصادي زونونو ته جذب شوې.
هغه زیاته کړې چې د دغې پانګونې له مخې یوه برخه یې د عربي هیوادونو، منځنۍ اسیا او افغانستان پانګوالو پورې تړلې ده.
