د پاکستان له لوري امریکا ته د کابل پر نړیوال هوایي ډګر د برید طراح د سپارلو په اړه د ملي امنیت پخواني رییس رحمت الله نبیل لیکلي، دا چاره ثابتوي، چې د افراطي ډلو مدیریت او دوی ته جهت ورکول د پاکستان پټې سټراتیژۍ دي.
نبیل ویلي، له سړې جګړې وروسته پاکستان د نیابتي جګړو د اجارې اخیستلو له پالیسي څخه د یوې سترې عایداتي سرچینې په توګه ګټه پورته کړې.
د هغه په خبره، په ۲۰۲۱ کال کې د طالبانو بیا راوستلو پاکستان ته کومه ګټه ونه کړه او دوی دا اړتیا حس کړه، چې په سیمه کې یوه نوې جبهه پرانیزي.
نوموړی وایي، پاکستان د داعش مرکزونو په ایجاد سره غواړي له یو لوري له امریکا څخه امتیاز واخلي او له بل لوري پر طالبانو فشار راوړي.
