د طالبانو حکومت ویاند ذبیح الله مجاهد د ډلهییز امنیت سازمان د مشر څرګندونو ته غبرګون کې ویلي، چې دوی د نشهیي توکو د مخنیوي لپاره خپله ټوله هڅه کړې.
مجاهد ویلي، په دې اړه یوې ګډې مبارزې او زیاتې بودجې ته اړتیا ده.
نوموړی وایي، د نشهیي توکو د مخنیوي لپاره یو طرفه ګام د پام وړ پایله نه لري.
مجاهد دغه راز زیاته کړې چې افغانستان کې ترهګرې ډلې هم حضور نه لري.
د یادونې ده چې تر دې وړاندې د ډلهییز امنیت سازمان مشر ایمانګلي تاسماګمبتوف ویلي وو چې د افغانستان له خاورې ګواښونه متوجې دي.
