د طالبانو حکومت ویاند ذبیح الله مجاهد وایي، امریکا افغانستان ته په راتګ سخته پښیمانه شوې او پرته له دې چې اقتصادي زیان وویني، په نړیوال ستیج یې حیثیت زیانمن شو او په کور دننه له سختو نیوکو سره مخ ده.
نوموړي چې په یو سپیس کې خبرې کولې، وویل چې هیڅ هیواد باید د افغانستان د نا امنۍ فکر او تصور ونه کړي کنه د امریکا په څیر به پښېمانه شي.
ذبیح الله مجاهد له سیمهییزو او نړیوالو هیوادونو وغوښتل، چې په افغانستان کې پانګونه وکړي او دې هیواد سره دې مرستې وکړي.
