پاکستاني ډان ورځپاڼې د خپلې نن ورځې په وروستۍ ګڼه کې د ستونزمن انتخاب تر سرلیک لاندې مقاله خپره کړې.
په دې مقاله کې خیبر پښتونخوا (KP) کې د زیاتیدونکي وسلهوالو فعالیتونو، او د ترهګرۍ او د ترهګرۍ ضد عملیاتو له امله او د تاوتریخوالي د زیاتوالي د عامو خلکو د وېرې له امله، پاکستاني ریاست له سختو انتخابونو سره مخ کړی دی.
ډان لیکلي په تېرو څو ورځو کې، د خیبر پښتونخوا حکومت د پخوانیو قبایلي سیمو په مختلفو برخو کې درې لویې جرګې راوبللې، څو د وسله والو اورپکو پر وړاندې د عامو خلکو نظرونه واوري.
ځايي قبایلو د افغان طالبانو سره د خبرو، او له هغوی ډلو سره چې پاکستان پرې بندیز لګولی د مذاکراتو او خبرو اترو غوښتنه کړې.
ډان وایي ښايي همدغو اندېښنو ته په ځواب کې، د پاکستان د کورنیو چارو وزیر په پښتونخوا کې د ټاکل شویو عملیاتو څخه په شاه شوی دی.
د شلو کلونو راهیسې، خیبر پښتونخوا، په ځانګړې توګه پخوانۍ فاټا سیمه، د ترهګرۍ او د ترهګرۍ ضد عملیاتو له کبله له دوامدارې جګړې او تاوتریخوالي سره مخ ده.
خلک یې د کورنۍ غړي له لاسه ورکړي، کډوال شوي، او له اوږدې جګړې ستړي او زړهتنګ شوي دي.
له همدې امله قبایلي ولس اوس د وسلهوالو سره د خبرو او د نظامي عملیاتو د ختمېدو غوښتنه کوي.
که څه هم پاکستاني پوځ د بندیز لګېدلې ډلې په توګه TTP د “هند ملاتړ شوې خوارجي فتنه” یادوي خو پوښتنه داده چې که خبرې کیږي، ایا پاکستاني پوځ به ددې اصطلاح کارونې ته دوام ورکړي که دا نوم به پرځای پاتې وي.
دوهم، که مذاکرات بریالي هم شي، آیا وسلهوال به له تاوتریخوالي لاس واخلي؟ که نه، نو هر ډول سولهيیز تړون به یوازې ریاست کمزوری کړي.
برسېره پر دې، ریاست څو پلاوي د افغان طالبانو سره خبرو ته لیږلي، څو د افغانستان مېشتو وسلهوالو کنټرول ته یې اړ باسي.
خو د دغو خبرو هېڅ اوږدمهاله عملي نتیجه نه ده لیدل شوې.
ورځپاڼې لیکلي دا حالت ځکه تجربه کوي چې د دې سیمې د “ترهګرۍ پر ضد جګړې” له پیل راهیسې، د ریاست CT (د ترهګرۍ ضد) تګلاره دایمي سوله نه ده رامنځته کړې.
سره له دې چې ګڼ پوځي عملیات، د NAP او NAP 2.0 په څېر پالیسۍ، او ګڼې هڅې د سختدریځۍ د له منځه وړلو لپاره شوي، خو بیا هم کیسه هماغه پخوانۍ بلل شوې.
