پاکستان د «فتح» په نوم یو ۱۲۰ کیلومتره واټنلرونکی ځمکنی توغندی ازمایلی، چې دا د روانې اوونۍ دوهم ازمایښتي توغندی دی.
دا ازموینه د هند سره د زیاتېدونکو کړکېچونو په منځ کې شوې.
د پاکستان پوځ وايي، هدفیې د ځواکونو عملیاتي چمتووالی او د توغندي دقت ارزول دي.
پاکستاني پوځ د شنبې په ورځ هم یو بل ۴۵۰ کیلومتره واټنلرونکی توغندی ازمایلی و.
دغه نظامي خوځښتونه داسې مهال ترسره کېږي چې د هند او پاکستان ترمنځ اړیکې وروسته له هغې کړکېچنې شوې، چې په کشمیر کې د تفریح لپاره تللي ۲۶ سیلانیان ووژل شول.
