د امرالله صالح په مشرۍ زرغون بهیر په یوې اعلامیې کې له سویس او نورو هېوادونو غوښتي، چې ټولو پښتنو ته د طالبانو په سترګه ونه ګوري.
اعلامیه کې ویل شوي، چې ټول پښتانه طالبان نه دي او له پښتون سره د طالب د کلیمې تړل نه یوازې دا، چې یو نامناسب کار دی؛ بلکې ناوړه پایلې هم لري.
د اعلامیې پر اساس، پښتنو د طالبانو ضد مبارزه کې نه ستړې کېدونکې هلې ځلې کړې او اوس د طالبانو په نوم د دوی اېستل د ټولو موازینو خلاف دی.
دا په داسې حال کې ده چې سویس ویلي، پښتانه به له خپل هېواد وباسي.
