د ټرانسپورت او هوایي چلن وزارت د هوا پېژندنې ریاست نن د هېواد په ۱۹ ولایتونو کې د شدید باران، تالندې برېښنا، نسبتاً تېزو بادونو او سیلابونو راوتلو اټکل کړی دی.
د سرچینې د معلوماتو له مخې په دغو ولایتونو کې، بدخشان، نورستان، تخار، کونړ، لغمان، ننګرهار، پنجشیر، کاپیسا، کابل، لوګر، پکتیا، خوست، بغلان، کندوز، سمنګان، پروان، بامیان، میدان وردګ او غزني شامل دي.
دا په داسې حال کې ده چې وروستیو سیلابونو خیتځ کې یو شمېر خلکو ته ځاني او مالي زیانونه اړولي.
