د هند د بهرنیو چارو وزارت په یوه اعلامیه کې ویلي چې په کابل کې د روږدو د درملنې پر روغتون شوی هوايي برید بزدلانه او د انسانیت ضد عمل دی.
په اعلامیه کې راغلي چې دا ډول بریدونه د افغانستان پر حاکمیت ښکاره تېری بلل کېږي او د سیمې د سولې او ثبات لپاره جدي ګواښ رامنځته کوي.
هند ټینګار کړی چې نړیواله ټولنه باید د دې پېښې عاملین حساب ته راکاږي او د ملکي وګړو پر وړاندې د ورته پېښو مخه ونیسي.
همداراز، هند د ټپیانو د درملنې او د اغېزمنو کورنیو د ملاتړ لپاره د نړیوالو مرستو پر اړتیا ټینګار کړی او په پای کې یې له افغانستان سره خپل بشپړ ملاتړ یو ځل بیا څرګند کړی دی.
